" TV PIRVELI-ის" ჟურნალისტი ინგა გრიგოლია "ფორმულას" ჟურნალისტის ვახო სანაიას საქმეზე სასამართლო პროცესის კიდევ ერთხელ გადადებას ეხმაურება და თვლის, რომ "უნდათ გამოუშვან ვახოზე თავდამსხმელები და ამიტომ ხდება გადადება".

"მე მგონია, რომ უნდათ გამოუშვან ვახოზე თავდამსხმელები და ამიტომ ხდება გადადება, ვერ ბედავენ, რომ განაჩენი გამოაცხადონ, სხვა შემთხვევაში აქ გადასადები არაფერი არ არის თუ ხელისუფლება 25 აგვისტოს გაათავისუფლებს ვახო სანაიაზე თავდამსხმელებს, ჩემთვის ეს იქნება სიგნალი "ქართული ოცნებისგან" ახალი 5 ივლისის დაანონსებაზე. გაძლევთ პირობას, რომ 25-ში აქ ვიდგებით ყველანი და არ გაბედოთ ჟურნალისტზე თავდამსხმელის გამოშვება",- ამბობს ინგა გრიგოლია.