NDI-ის კვლევის მიხედვით, გამოკითხულთა 47% კორონავირუსის საწინააღმდეგო ვაქცინით არ აიცრებოდა, 35% კი აიცრებოდა. გამოკითხულთა 7% აცხადებს, რომ უკვე აიცრა, 11% კი აცხადებს, რომ არ იცის, აიცრება თუ არა.

რაც შეეხება კითხვას, რატომ არ აიცრებოდით, გამოკითხულთა 47% აცხადებს, რომ არ ენდობა კორონავირუსის ვაქცინის ხარისხს. კითხვაზე პასუხები კი შემდეგნაირად გადანაწილდა:

• არ ვენდობი კორონავირუსის ვაქცინის ხარისხსს - 47%
• არ ვიცრები ჯანმრთელობასთან დაკავშირებული მიზეზების გამო - 20%
• ვაქცინის გარეშეც ვუმკლავდებით კორონავირუსის პანდემიას - 13%
• ვაქცინაციას სინამდვილეში სხვა მიზნები აქვს - 7%
• ზოგადად ვაქცინების წინააღმდეგი ვარ - 2%
• სხვა - 5%
• არ ვიცი - 5%

კითხვაზე, რომ დაგჭირდეთ, იცით თუ არა როგორ დარეგისტრირდეთ კორონავირუსის წინააღმდეგ ვაქცინაციის ონლაინ პლატფორმაზე, გამოკითხულთა 42%-მა განაცხადა, რომ იცის, 56%-მა კი არ იცის, ეს პროცედურა როგორ გაიაროს.

კვლევა 13-25 ივლისის პერიოდში საქართველოს მასშტაბით 2,016 სატელეფონო ინტერვიუს გზით ჩატარდა.

გამოკითხვის საშუალო ცდომილების ზღვარი არის +/- 1.3 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.