“შეძრული და გამწარებული ვარ!, კოვიდმა არაჩვეულებრივი ახალგაზრდა კაცი წაგვართვა!.."ნუ გადადებთ, ხალხო, ნურაფრის მიზეზით სიკვდილისგან თავის დაცვას

“შეძრული და გამწარებული ვარ!, კოვიდმა არაჩვეულებრივი ახალგაზრდა კაცი წაგვართვა!.."ნუ გადადებთ, ხალხო, ნურაფრის მიზეზით სიკვდილისგან თავის დაცვას – წადით, აიცერით." - გრძელიშვილი

COVID-19 - 19:45, 10 Aug, 2021

2148

ჟურნალისტი, დაჩი გრძელიშვილი სოციალურ ქსელში აქვეყნებს სამწუხარო ინფორმაციას – მისი ახლობელი ახალგაზრდა ჯანმრთელი მამაკაცი ახლახან კორონავირუსით გარდაიცვალა.

“გუშინდელს აქეთ შეძრული და გამწარებული ვარ – კოვიდმა მეგობრის მეუღლე, არაჩვეულებრივი ახალგაზრდა კაცი წაგვართვა… მივმართავ ყველა ჩემს ნაცნობს – ვინც ამ თუ იმ მიზეზის გამო ფეხს ითრევს ვაქცინაციაზე. ორი, ძალიან კონკრეტული მაგალითი მაქვს, აცრასთან დაკავშირებით. სახელებს არ დავწერ, მაგრამ მენდეთ – ჩემს მეგობრებზე ვსაუბრობ და რეალური ადამიანები არიან. ერთ შემთხვევაში კოვიდით გარდაიცვალა სრულიად ჯანმრთელი და ახალგაზრდა კაცი – ჩვენი მეგობრის მეუღლე, რომელსაც დარჩა შვილები და უამრავი კარგი საქმე, რომელიც წესით ღრმა სიბერემდე უნდა ეკეთებინა. ის არ იყო აცრილი. მეორე შემთხვევა – ასევე ჩემი, მეორე მეგობრის ოჯახს ეხება – დედა, დედამთილი და მამამთილი, 80 წელს გადაცილებული ხალხი, ქრონიკული დაავადებების ბუკეტით. მაგრამ ორჯერ აცრილები – სახლის პირობებში ასრულებენ კოვიდს. უსიმპტომოდ, მხოლოდ ალაგ-ალაგ დაბალი სიცხით. ნუ გადადებთ, ხალხო, ნურაფრის მიზეზით სიკვდილისგან თავის დაცვას – წადით, აიცერით. მნიშვნელობა არ აქვს, რომელი ვაქცინით – აიცერით! მივმართავ ჩემს აცრილ სამეგობროსაც. – ჩვენ უნიათო და უპასუხისმგებლო მთავრობა გვყავს, რომელსაც სააგიტაციო კამპანია ჯერაც არ დაუწყია. ამიტომ ჩვენს ახლობლებზე ჩვენვე უნდა ვიზრუნოთ – ველაპარაკოთ, მოვიწოდოთ, დავაჯეროთ, რომ არ ღირს ჯერ სიკვდილი" -წერს იგი.