უწყებათაშორის საკოორდინაციო საბჭოსთან არსებული ოპერაციული შტაბის უფროსის, გიორგი ღიბრაძის განცხადებით, პირი, რომელიც ერთხელ არის აცრილი და კოვიდი გადაიტანა, სრულად ვაქცინირებულთან გათანაბრდება. მისი განმარტებით, საკოორდინაციო საბჭომ ეს ცვლილება უცხოეთიდან შემოსული ადამიანების მიმართ მიიღო:

"ბევრი ქვეყნის პრაქტიკაა, როდესაც ადამიანს გადატანილი აქვს კოვიდი, იქ იცრებიან მხოლოდ ერთხელ და ეს ითვლება სრულად ვაქცინირებულ პირად, შესაბამისად, ჩვენთანაც ხდება გათანაბრება ამ სტატუსით და თუ ადამიანს გადატანილი აქვს და ერთხელ არის აცრილი, იგივე სტატუსი აქვს რაც ორჯერ აცრილ ადამიანს. ეს ჩვენი რეგულაცია არაა, მე ვსაუბრობ იმ ქვეყნებიდან შემოსულ პირებზე, რომლებსაც ეს სტატუსი აქვთ მათ ქვეყანაში მიღებული", - განაცხდა ღიბრაძემ.