დღეს ქვეყანაში კორონავირუსით ინფიცირების უპრეცედენტოდ მაღალი რაოდენობა - 4 827 შემთხვევა დაფიქსირდა. ჯანდაცვის სამინისტროში აცხადებენ, რომ ეს მდგომარეობა მეოთხე ტალღის პიკის დასაწყისია და მომდევნო ათი დღე ასე გაგრძელდება.

ალერგოლოგ-იმუნოლოგი ბიძინა კულუმბეგოვი სოციალურ ქსელში პოსტს ავრცელებს და წერს, რომ სასწრაფოდ შემოსაღებია რეგულაციები, რომელიც მდგომარეობის მდამძიმებასთან ერთად ისევ საჭირო გახდება, თუმცა უკვე გვიანი იქნება:

"სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...

შეზღუდვები უსწრაფესად ასამოქმედებელია, თორემ მაინც მოგვიწევს სამწუხაროდ მისი დაწესება და მერე გვიანი იქნება!!!" - წერს კულუმბეგოვი სოციალურ ქსელში.