საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში წერს, რომ ვაქცინის მესამე დოზა, ე.წ ბუსტერი გარდაუვალია. მას ისრაელის მაგალითიც მოჰყავს, სადაც 60 წელს გადაცილებული მოსახლეობის მესამე დოზით ვაქცინაცია იწყება.

"ბუსტერი (ფაიზერის მე-3 დოზა) გარდაუვალია.

ისრაელში გადაწყვეტილება მიღებულია, ფაიზერის მე-3 დოზაზით 60 წელს გადაცილებულების რეგისტრაცია დაიწყო.

ფაიზერმა კვლევა დადო (იხილეთ ბმულში) ბუსტერის აუცილებლობაზე, მაგრამ მაინც ისრაელის ჯანდაცვის სამინისტროს შემდეგ ნაბიჯს დაველოდოთ.

საქართველოში რა უნდა ვქნათ:

ყველა, ვინც აიცრა დაბალეფექტური ვაქცინებით, მათთვის უნდა გაიხსნას რეგისტრაცია ბუსტერზე (ფაიზერზე 3-5 თვეში)

ფაიზერით აცრილებს რაც შეეხება, უნდა იქნას შემუშავებული შესაბამისი გეგმა, ისე რომ მე-2 დოზიდან 6 თვის შემდეგ საშუალება მიეცეს მოქალაქეების გარკვეულ ჯგუფებს, რომ დარეგისტრირდნენ ფაიზერის ბუსტერზე (მე-3 დოზა)

აუცილებელია ღია კომუნიკაცია მოსახლეობასთან. ვთქვათ სიმართლე. ყველაფერი არის შესაძლებელი, თუ მივიქცევით პრაგმატულად და ყველა გადაწყვეტილება იქნება დაფუძნებული მეცნიერებაზე, პროფესიონალიზმზე და ნამდვილ პატრიოტიზმზე" - წერს ფხაკაძე.