კუნძულ სარდინიაზე ერთ-ერთი სახლის სახურავს კოკაინით სავსე ჩანთა დაეცა.მასში 8,5 კილოგრამი ნარკოტიკი იყო, რაც შავ ბაზარზე 9 მილიონამდე ევრო ღირს.

მომხდარის შესახებ სახლის მფლობელებმა პოლიციას შეატყობინეს.

სავარაუდოდ, ჩანთა, მცირე ზომის თვითმფრინავიდან, ნარკოდაჯგუფებების წევრებისთვის უნდა ჩაეგდოთ, თუმცა, პილოტმა შეცდომა დაუშვა და ტვირთი სახლს დაეცა.

ჩატარებული გამოძიების შემდეგ, პოლიციამ თვითმფრინავის პილოტი დააკავა. ამჟამად, სამართალდამცველები ნარკოდაჯგუფების წევრებს ეძებენ, რომლებსაც ტვირთი უნდა მიეღოთ.