"ალტ-ინფოს" დამფუძნებელი ზურაბ მახარაძე მის საცხოვრებელ ბინაში განხორციელებული ჩხრეკის შემდეგ, პოლიციის განყოფილებაში გადაიყვანეს.

მახარაძის მეუღლის განცხადებით, სამართალდამცველები ბინის ჩხრეკისთვის მათ საცხოვრებელში 08:30 საათზე მივიდნენ:

„დაახლეობით 08:30 საათზე მოვიდა 5 ადამიანი, ჩხრეკა ჩაატარეს, დაათვალიერეს სახლი, ამოიღეს მათთვის საინტერესო ნივთები, ეს პროცედურა გააფორმეს, წავიდნენ და ზურაც წაიყვანეს ჩვენებისა თუ გამოკითხვის მიზნით. დაახლოებით ნახევარი საათია წავიდნენ. ორი საათი გრძელდებოდა ჩხრეკა. ის ნივთები ამოიღეს, რამაც დააინტერესათ და თან წაიღეს. ზურამ ამ ეტაპზე არ ჩათვალა საჭიროდ ადვოკატი რომ ჰყოლოდა თან. რატომ წაიყვანეს არ ვიცი, სპეციფიკური პროცედურაა, როგორც მივხვდი, უნდა წააკითხონ და დაადასტურებინონ წერილობით ის პროცედურა, რაც ახლა ჩატარდა. უნდა გაფორმდეს ჩხრეკამ რომ ჩაიარაო. გამოკითხვაზე კიდევ იყო წინა დღეებში და დარჩათ თუ არა დამატებითი კითხვები, ვერ გეტყვით,“- განაცხადა ზურაბ მახარაძის მეუღლემ.