თურქეთის აეროპორტში საქართველოს მოქალაქე 19 სტუდენტი დახმარებას ითხოვს. ისინი გერმანიაში სეზონურ სამუშაოებზე მიდიოდნენ, თუმცა, მათი ბილეთები გააუქმეს და აეროპორტში ეუბნებიან, რომ ვიზის არქონის გამო თვითმფრინავში ვერ აუშვებენ:

"პრობლემა წარმოქმნა თურქიშ ერლაინმა, ფრენამდე დავდექით საკითხის წინაშე, რომ თურმე ჩვენ ვერ გადავალთ იმიტომ, რომ არ გვაქვს ვიზა. არადა ჩვენ ვართ 19 სტუდენტი, მივდიოდით გერმანიაში საზაფხულო სამუშაოზე, გვაქვს ყველა საბუთი. ბილეთები გაგვიუქმეს, ტრანსფერზე დაგვიქენსელეს, ვსხედვართ ასე გამოკიდებულები, არც თანხა დაგვიბრუნეს", - განაცხადა ერთ-ერთმა სტუდენტმა.

აეროპორტში ჩარჩენილმა სტუდენტებმა დახმარებისთვის საქართველოს საელჩოსაც მიმართეს, თუმცა, საელჩოსგან ამ დრომდე პასუხი არ მიუღიათ.