"სადაც წაეწევით ჟურნალისტებს, სადაც დაინახავთ კამერიან ადამიანებს სცემეთ, ურტყით წიხლები, ეს ხელისუფლების გზავნილია და ბატონი ღარიბაშვილის, რომელმაც იმ დილით დასაშვები გახადა, დაამშვიდა ის მოძალადეები"

"სადაც წაეწევით ჟურნალისტებს, სადაც დაინახავთ კამერიან ადამიანებს სცემეთ, ურტყით წიხლები, ეს ხელისუფლების გზავნილია და ბატონი ღარიბაშვილის, რომელმაც იმ დილით დასაშვები გახადა, დაამშვიდა ის მოძალადეები" - ინგა გრიგოლია

საზოგადოება - 13:55, 07 Jul, 2021

2506

მედიის წარმომადგენლების საპროტესტო აქციას მთავრობის ადმინისტრაციის შენობასთან - ისინი ბოლო დღეების განმავლობაში ჟურნალისტებზე თავდასხმებს აპროტესტებენ და უსაფრთხო სამუშაო გარემოს ითხოვენ.

აქციაზე იმყოფება ჟურნალისტი ინგა გრიგოლია. იგი აცხადებს, რომ მომხდარზე სრული პასუხისმგებლობა ხელისუფლებას ეკისრება:

"მე ძალადობაზე პასუხისმგებლობას ვაკისრებ მათ, ვინც აი აქ სხედან პრემიერის ხელმძღვანელობით. იმიტომ რომ 100%-ით ვარ დარწმუნებული, რომ ეს იყო ხელისუფლების მიერ დაგეგმილი სპეცოპერაცია ჟურალისტების წინააღმდეგ. ძალიან კარგად იცის ხელისუფლებამ, რომ მედიას ვერ შეაშინებს, ვერ გააჩუმებს, მაგრამ ჩემი აზრით მთავარი გზავნილი რაც მათ წინა საარჩევნოდ გაუშვეს არის ის, რომ სადაც წაეწევით ჟურნალისტებს, სადაც დაინახავთ მიკროფონიან და კამერიან ადამიანებს სცემეთ, ურტყით წიხლები, მიაყენეთ შეურაცხყოფა. აი ეს გზავნილი გაუშვა ხელისუფლებამ თავისი მომხრეებისთვის. დასაშვები გახადა ფიზიკური ანგარიშსწორება. ის, რომ ეს იყო ხელისუფლების მიერ კარგად დაგეგმილი, თავისი შავრაზმული დაჯგუფებების გამოყებით, წვერიანების თუ უწვეროების, იცით რით გამოჩნდა? ჟურნალისტები, ოპერატორები ყვებიან: როცა გვირტყამდნენ, 30 კაცი რომ გვირტყამდა ერთი ან ორი პოლიციელი იყო. არადა, რა ვუყოთ ამ მეხსიერებას ყველა საპროტესტო აქციაზე გამოყვანილი სპეცრაზმი გვყავს ნანახი, დათვის ტყვიებით და თვალებში სროლით. პოლიტიკური აქცია როცაა იქ გამოჰყავთ სპეცრაზმი და ყველაზე მნიშვნელოვანი იყო, რომ გამოეყვანათ ძალა, რომელიც ამ აგრესორებს გაანეიტრალებდა. ეს რა თქმა უნდა ხელისუფლების გზავნილია და ბატონი ღარიბაშვილის, რომელმაც იმ დილით დასაშვები გახადა, დაამშვიდა ის მოძალადეები, რომ მიდით ბიჭებო. 2000-ლარიანი გირაოთი რომ უშვებენ ასეთ მოძალადეებ. ეს იყო კარგად დაგეგმილი სპეცოპერაცია იყო, სადაც დაეწევით სცემეთ ჟურნალისტები. პასუხისმგებელი ჩემი აზრით არის ხელისუფლება" - აღნიშნა ინგა გრიგოლიამ.