ადგილზე, სადაც თბილისი პრაიდის კვირეულის ფარგლებში ფილმის ჩვენებაა დაგეგმილი, ჰომოფობიურად განწყობილი ჯგუფები მივიდნენ და ადგილზე ვითარება დაიძაბა.

ლოკაციაზე, რომელიც გასაიდუმლოებული იყო, გურამ ფალავანდიშვილი, ალტ ინფოს და ლევან ვასაძის "ერის" წარმომადგენლები იმყოფებიან. ადგილზე ვითარება მას შემდეგ დაიძაბა, რაც ჰომოფობიურად განწყობილმა ჯგუფებმა ქუჩის გადაკეტვა სცადეს, თუმცა პოლიციამ მათ ამის საშუალება არ მისცა.

ადგილზე სიძულვილის ენის შემცველი და ჰომოფობიური შინაარსის შეძახილები ისმის. ძალადობრივი ჯგუფები ამბობენ, რომ პრაიდის კვირეულის ჩაშლას აპირებენ.

მოგვიანებით ჰომოფობიურმმა და ძალადობრივმა ჯგუფებმა აქტივისტების მისამართით ქვები ისროლეს.