დაავადებატა კონტროლის ეროვნული ცენტრი სპეციალურ გაცხადებას ავრცელებს და განმარტავს რას ნიშნავს ტერმინი "დანაკარგი".

როგორც განცხადებაშია ნათქვამი, "ვაქცინასთან მოხსენიებული "დანაკარგი" არა სადმე დამალული ან გადანახული ვაქცინის დოზაა, არამედ ტექნიკური დანაკარგია".

NCDC წერს იმასაც, რომ ვაქცინის გარეშე არავინ დარჩება და ყველა ის ადამიანი, ვინც "ასტრაზენეკის" ვაქცინის პირველი დოზით აიცრა, მეორე დოზასაც გაიკეთებს.

"მრავალდოზიანი შეფუთვის მქონე ვაქცინებზე, მაგალითადად, ასტრაზენეკას შემთხვევაში, ეს საკმაოდ მარტივი ასახსნელია - ერთი ფლაკონი 10 ადამიანის ასაცრელ დოზას შეიცავს და ზუსტად ეს რაოდენობა მსურველებისა თუ არ შეიკრიბა, გახსნიდან გარკვეული პერიოდის შემდეგ დარჩენილ დოზებს “დანაკარგი” ეწოდება.

არავინ დარჩება ვაქცინის გარეშე. ყველა იმ ადამიანს, რომელიც პირველი დოზა ასტრაზენეკას ვაქცინით აიცრა შესაძლებლობა ექნება პირველი დოზიდან 10-12 კვირის ინტერვალში მეორე დოზა ასტრაზენეკა გაიკეთოს", - წერს დაავადებათა კონტროლის ცენტრი.