ოპტიმო ბიზნესის მართვის და მარაგების აღრიცხვის თანამედროვე ციფრული ხელსაწყოა, რომელიც მაქსიმალურად ეხმარება ბიზნესოპერატორს ზედმეტი ადამიანური რესურსისა და ფინანსური დანახარჯის გარეშე მართოს ბიზნესი ზუსტი ციფრებითა და რაოდენობებით.

უფრო კონკრეტულად, ოპტიმო მაღაზიის პროგრამაა, რომელიც იძლევა სანდო და სწორ ინფორმაციას სხვადასხვა მნიშვნელოვან საკითხზე.

როგორ მუშაობს და რა უპირატესობა აქვს ოპტიმოს?

მარაგების მართვა - ოპტიმოს მთავარი უპირატესობაა, რომლის მეშვეობით ყოველგვარი საანგარიშოებისა და ქვეშმიწერით მიმატება-გამოკლების გარეშე, პროგრამა იძლევა მზა ინფორმაციას გაყიდული პროდუქციის და საწყობში დარჩენილი ნაშთის შესახებ. ანუ თქვენ ყოველთვის ხართ საქმის კურსში, რომელი პროდუქტით უნდა შევასოთ მარაგი სასწრაფოდ, რომელი იყიდება ყველაზე კარგად და რომელმა ვერ გამოიწვია მომხმარებლის ინტერესი. შესაბამისად, აღარ დაუთმობთ მაღაზიაში დიდ თაროს და საწყობში ადგილს ისეთ პროდუქციას, რომლის გაყიდვებიც მოიკოჭლებს.

დისტანციურად მართვა - ესაა შესაძლებლობა, მართოთ ბიზნესი ნებისმიერი წერტილიდან ისე, თითქოს არც არსად წასულხართ. ოპტიმოს მეშვეობით მუდმივად გექნებათ ინფორმაცია შესყიდვებისა და შემოსავლების შესახებ, შეძლებთ, გაანალიზოთ სტატისტიკები და კარგად დაგეგმოთ შემდეგი ნაბიჯი წარმატებისთვის.

სალაროს სწრაფი და მოქნილი სისტემა - ეხმარება მოლარეს აწარმოოს გადახდები სწრაფად, მალ-მალე გაისტუმროს მომხმარებლები, რაც თავიდან აგაცილებთ რიგებს და შეძლებთ, მოემსახუროთ უფრო მეტ ადამიანს მოკლე დროში. გარდა ამისა, ოპტიმო მოლარეს საშუალებას აძლევს, კონკრეტული პროდუქტი მოძებნოს არა მხოლოდ ერთი კომპონენტით, მაგალითად შტრიხკოდით, არამედ საძიებოდ გამოიყენოს ფოტო, დასახელება, კატეგორია და.ა.შ. რაც ბევრად ამარტივებს და მოსახერხებელს ხდის გაყიდვის პროცესს.

ვისთვის არის განკუთვნილი ოპტიმო?

ოპტიმო განკუთვნილია მცირე და საშუალო ბიზნესისათვის, სასურსათო მაღაზიებისთვის, ზოომაღაზიისთვის, ავტონაწილების მაღაზიებისთვის, ტექნიკის მაღაზიებისთვის - ანუ ყველა იმ ბიზნესისთვის, რომელსაც სჭირდება მოლარეს პროგრამა, მარაგების აღრიცხვა, შემოსავლებისა და გაყიდვების შესახებ მუდმივი და განახლებული ინფორმაცია. ოპტიმო ინტეგრირებულია rs.ge-თან, რაც ასევე საშუალებას გაძლევთ პროგრამიდანვე დაადასტუროთ, ატვირთოთ და ჩამოტვირტოთ ზედნადებები.

თუ დაინტერესდით როგორ მართოთ ბიზნესი მარტივად, დეტალური ინფორმაციისთვის ეწვიეთ საიტს www.optimo.ge