ჯანდაცვის მინისტრის მოადგილის თამარ გაბუნიას განცხადებით, ბოლო პერიოდში ქვეყნაში ე.წ. ინდური შტამის კიდევ 7 შემთხვევა გამოვლინდა. მისი თქმით, დელტა შტამი ქვეყანაში ცირკულირებს და მისი შესაძლო გავრცელება დაახლოებით 10-20%-მდეა, ეს კი, შესაძლოა, კავშირში იყოს ვირუსის სწრაფ გავრცელებასა და დაავადების მძიმე მიმდინარეობასთან:

"დელტა ვარიანტი ე.წ ინდური ვარიანტის გავრცელების შესახებ, დაავადებათა კონტროლის ეროვნულმა ცენტრმა ადრეც გააკეთა ინფორმაცია და კიდევ დამატებით 7 შემთხვევაა დადასტურდა ბოლო პერიოდის განმავლობაში, რაც იმაზე მიუთითებს, რომ შტამი ქვეყანაში ცირკულირებს. შეფასებითი მაჩვენებლით, დაახლოებით, 10-20%-მდეა შესაძლო გავრცელება ამ შტამის და ისიც არ არის გამორიცხული, რომ შემთხვევების სწრაფი გავრცელებაც და შედარებით მძიმე მიმდინარეობა, სავარაუდოდ, შესაძლოა კავშირში იყოს დელტა შტამის გავრცელებასთან", - განაცხადა თამარ გაბუნიამ.