ტელეწამყვანი ნანუკა ჟორჟოლიანი 42 წლის გახდა - მან იუბილე სეიშელის კუნძულზე აღნიშნა.

ჟორჟოლიანი წერს, რომ ბედნიერია და უყვარს საკუთარი თავი ისეთი როგორიც არის.

"3-4 წლის წინ მივედი ნათია ფანჯიკიძესთან პირველად. მაშინ დარწმუნებული ვიყავი, რომ ჩემი ცხოვრება დამთავრებული იყო. სიცოცხლეს შვილებისთვის ვაგრძელებდი, უფრო სწორად, არსებობას. ძალიან მძიმე დეპრესიას შეჭმული ჰქონდა ჩემი ბრძოლის უნარი,ოპტიმიზმი, ყველაფერი რაც მე მქონდა, როგორსაც თქვენ მიცნობთ.

ნათიას ვუხსნიდი, რომ ჩემი ნაოჭები მაწუხებდა, ასაკი მთრგუნავდა, არადა 36-37 წლის ვიქნებოდი, მაგრამ ძალიან დარწმუნებული, რომ ყველაფერი დასრულდა და უცებ მეკითხება: ,,ყვავილები გაქვს?” და გაოგნებულმა შევხედე. ,,ქოთნის ყვავილები” _დაამატა:

მიმიხვდა, რომ ვერაფერსაც ვერ მივუხვდი. მძულს ყვავილები-მეთქი, ვუპასუხე, მაგრამ არ დანებდა.

მომიყვა,რამდენი ქოთანი აქვს აივანზე, როგორ ურთიერთობს მათთან, ჩიტებთან… მე ისეთი გაბრაზებული ვიყავი სამყაროზე და ის ისე ლამაზად მიხატავდა ყველაფერს, რაც მძულდა…

ახლა უფრო მეტი ნაოჭით და უფრო მეტი ასაკით ვარ, ზუსტად ვიცი, ცხოვრებისგან რა მინდა, ვინ მინდა, რატომ მინდა… ახლა მესმის საკუთარი სხეულის, მესმის თქვენი და ვარ სრულ ჰარმონიაში…

იცოდეთ,მნიშვნელობა არ აქვს,რამდენი წლის ხართ, მთავარია საკუთარი თავის პოვნა და მერე ყველაფრით ტკბობა.რაც უნდა ცუდად იყოთ, სიტყვას გაძლევთ, ყველაფერი წინ გაქვთ და შეიძლება მთავარი ბედნიერებაც კი.

დღეს სახლში ბევრი ყვავილი მაქვს ქოთნით. ყველას თავისი ისტორია აქვს, მიზეზი ჩემთან ყოფნის. სიამოვნებას ისეთი წვრილმანები მანიჭებს, ადრე რომ ვერ ვამჩნევდი.

დღეს ჩემი დაბადების დღეა. ღმერთს ვთხოვ ძალას, ყველაფერი გავაკეთო ჩემივე ბედნიერებისთვის. დაჯი რომ არ აკლდეს, ჩავთვლიდი,რომ დამსახურებულად ბედნიერი ვარ” ,- წერს ჟორჟოლიანი.