ბერძნული მედია ქალაქ ხანიაში მდებარე ციხეში მომხდარ ინციდენტზე წერს - ირკვევა, რომ 43 წლის ქართველმა, დავით მურთინელმა, რომელიც საბერძნეთის ციხეში სასჯელს იხდის, სხვა, ასევე ქართველი პატიმარი ცივი იარაღით მოკლა.

გარდაცვლილ პატიმარს კი, 15 წლიანი პატიმრობის ვადა ორ წელიწადში ეწურებოდა. ექიმები იზოლატორში დაჭრილისთვის სიცოცხლის შენარჩუნებას ცდილობდნენ, რა დროსაც მას გულის შეტევა განუვითარდა და საავადმყოფოში გადაიყვანეს.

რაც შეეხება დავით მურთინელს, ის საბერძნეთის ციხეში რამდენიმე წლის წინ მომხდარი გახმაურებული მკვლელობის გამო იხდიდა სასჯელს, რა დროსაც მან მრავლობითი ჭრილობების მიყენებით ცნობილი ბერძენი მსახიობი მოკლა.

დაპირისპირისპირების მიზეზი ჯერჯერობით უცნობია. საქმეს სამართალდამცველები იძიებენ.