ქუთაისში 47 წლის პაციენტის გარდაცვალებაში ოჯახი ინტერვენციული მედიცინის ცენტრის ექიმებს ადანაშაულებს. როგორც გარდაცვლილი პაციენტის დამ ჟურნალისტებს განუცხადა, ქალი კლინიკაში კენჭის გავლით გუშინ შეიყვანეს, თუმცა ოპერაცია დაგვიანებულად, 12 საათის შემდეგ ჩაუტარდა.

ახლა გარდაცვლილი პაცინეტის ცხედარს ოჯახს არ აძლევენ. როგორც ისინი აცხადებენ, კორონავირუსზე PCR ტესტის პასუხს ელოდებიან, თუმცა ქალი კვიდინფექციაზე გამოიკვლიეს იყო და პასუხი უარყოფითი იყო.

47 წლის ქალი კლინიკაში თირკმლის უკმარისობით წყალტუბოდან გუშინწინ გადაიყვანეს.

კლინიკაში აცხადებენ, რომ პაციენტი სამედიცინო დაწესებულებაში რთული მდგომარეობით შევიდა. მას ადგილზე ყველა საჭირო პროცედურა ჩაუტარდა, თუმცა, გადარჩენა ვერ მოხერხდა. კლინიკა მზაობას გამოთქვამს, ითანამშრომლოს გამოძებასთან.