ფოტოგრაფმა მიხალის მაიკლმა კვიპროსის სანაპიროდან უნიკალური მოვლენა - „ჰაერში მოლივლივე“ საკრუიზო ლაინერები დააფიქსირა.

ეს უნიკალური ოპტიკური მოვლენაა. რეალურად ხომალდები პორტში დგანან, მაგრამ მირაჟის შედეგად ადამიანები ხედავენ, რომ ისინი თითქოს ჰაერში არიან ჩამოკიდებული. ეს მირაჟები ამინდის განსაკუთრებული პირობებით არის განპირობებული, კერძოდ, ტემპერატურული ინვერსიით. ამ მოვლენის დროს ჰაერის ცივი მასები ზღვასთან ახლოს იმყოფებიან, ხოლო მათ ზემოთ, უფრო თბილი ჰაერია. შედეგად, ატმოსფეროს სხვადასხვა ფენებში

წარმოიქმნება ჰაერის სხვადასხვა ნაკადები. სწორედ ეს ნაკადები ქმნიან ილუზიას, თითქოს ხომალდები ჰაერში „კიდიან“, რასაც ფატა-მორგანას ეფექტი ეწოდება.

შესაბამისად ფოტოგრაფს ძალიან გაუმართლა, რომ ის აპარატით სწორ დროს, სწორ ადგილას აღმოჩნდა.