გორში პოლიციელზე თავდასხმისთვის დაკავებული 21 წლის საბა ყანჩაველი ამჟამად წინასწარი დაკავების იზოლატორშია მოთავსებული. ის გუშინ პოლიციელ ვახტანგ მღებრიშვილს სამსახურეობრივი მოვალეობის დროს ფიზიკურად გაუსწორდა.

როგორც დაკავებულის ადვოკატი აღნიშნავს, ახალგაზრდა მამაკაცს ჯანმრთელობის პრობლემები აქვს, რის გამოც მისი დაკითხვა ამ დრომდე არ მომხდარა. ადვკატის თქმით, მას მოვლენები არ ახსოვს:

"გამოძიება დაწყებულია 353 პრიმა მუხლით. პოლიციელზე თავდასხმის საქმეში არ ფიგურირებს არავითარი ბლაგვი საგანი. თავდასხმა მოხდა წამიერად, რომელსაც არ უძღოდა არავითარი სახის კონფლიქტი, არანაირი კომუნიკაცია პატრულის თანამშრომელთან. მათ ნაცნობობაც არ ჰქონიათ, არავითარი კომუნიკაცია არ მომხდარა ამ ორ ადამიანს შორის", - აღნიშნავს ადვოკატი.