დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, არის საფრთხე, რომ ქვეყანაში ინდურმა შტამმა ბრიტანული ჩაანაცვლოს. მისი განმარტებით, დღეის მონაცემებით ლუგარის ლაბორატორიაში ინდური შამის 20 არის დაფიქსირებული:

"დღეს დადასტურებულია, რაც მე მაქვს ინფორმაცია, ჩვენთან, ლუგარში დღეს 20 შემთხვევა დელტა შტამის ანუ ინდური შტამის ქვეყანაში. ყველა მათგანი იყო იმპორტირებული შემთხვევები. ჩვენ ვანგარიშობთ დაახლოებით, რომ დღეს დელტა შტამის ცირკულაცია თანდათან იზრდება და სადღაც 10%-დან 20%-მდე მერყეობს მისი ცირკულაცია.

მოგეხსენებათ, რომ ევროპის რიგ ქვეყნებში ის ანაცვლებს ბრიტანულ შტამს და მოსალოდნელია, რომ გარკვეული პერიდის განმავლობაში, თანდათან ეს მოხდეს აქაც ამიტომ, შესაბამისი პრევენციული ღონისძიებები ამასთან დაკავსირებით დასაცავია", - განაცხადა გამყრელიძემ.