ალერგოლოგ-იმუნოლოგი ბიძინა კულუმბეგოვი ექიმი პაატა იმნაძის შესახებ სოციალურ ქსელში გავრცელებულ ინფორმაციას ეხმაურება , ბმულს აზიარებს და წერს:

"ეს ინფორმაცია ყალბია, გთხოვთ გაავრცელოთ ეს ლინკი, თორემ ვირუსულად ვრცელდება და მოედო დუნიას", - წერს კულუმბეგოვი "ფეისბუქის" პირად გვერდზე.

საუბარია NCDC-ის დირექტორის მოადგილის, პაატა იმნაძის ყალბ ციტატაზე, რომელიც კონკრეტულმა პირებმა On.ge-ს ვიზუალში ჩასვეს ისე, თითქოს ეს ამბავი გამოცემამ დაწერა.

"მსგავსი ციტატა არც პაატა იმნაძეს უთქვამს და არც ჩვენს ვებგვერდზე გამოქვეყნებულა", - აღნიშნავს გამოცემა.