სამტრედიაში სისხლიანი გარჩევისას დაჭრილი 32 წლის გრიგოლ ხონელიძე გარდაიცვალა - მას კლინიკაში ოპერაცია რამდენიმე საათის განმავლობაში უტარდებოდა, თუმცა მისი გადარჩენა ვერ მოხერხდა.

როგორც ექიმმა "ნიუპოსტს" განუცხადა, მას ცეცხლსასროლი იარაღით ათამდე ჭრილობა ჰქონდა მიყენებული.

ამ დრომდე კლინიკაში რჩება მეორე დაჭრილი, გია ხუჭუა, რომელსაც ოპერაცია ჩაუტარდა. მისი მდგომარეობა სტაბილურია.

შეგახსენებთ, რომ დაპირისპირება იმერეთის ქუჩაზე გუშინ, 18 ივნისს, მოხდა. დაპირისპირებას წინ სავარაუდოდ, კრიმინალური შეკრება უძღოდა.

მომხდარზე გამოძიება 19-109-ე მუხლით დაიწყო.