გერმანიაში სეზონურ სამუშაობეზე წასულ საქართველოს მოქალაქეებს მიმდინარე კვირაში ახალ დამსაქმებლებთან გადაანაწილებენ - აღნიშნულ ინფორმაციას საქართველოში გერმანიის საელჩო ავრცელებს:

"ეს პრობლემა სამწუხარო ცალკეულ შემთხვევას წარმოადგენს. გერმანიის სახელმწიფო უწყებებმა სწრაფად და ეფექტიანად გამოიკვლიეს აღნიშნული შემთხვევა და მიიღეს შესაბამისი ზომები. სეზონურად მომუშავე პირებისთვის დასაქმების კარგი პირობების შექმნა მთავარი წინაპირობაა საშუამავლო შეთანხმების წარმატებით განხორციელებისთვის". გერმანიის საელჩო წუხილს გამოთქვამს ამ ცალკეულ შემთხვევაში გამოვლენილი დარღვევების გამო. შრომითი კანონმდებლობის დარღვევებს გერმანიაში სათანადო შედეგები მოჰყვება", - წერია საელჩოს განცხადებაში.

შეგახსენებთ, რომ საქართველოს მოქალაქეები სეზონური სამუშაოსთვის გერმანიაში გაემგზავრნენ, თუმცა საცხოვრებელ პირობებში გაუსაძლისი მდგომარეობა დახვდათ.