მეუფე იაკობსა და ნინო ლომჯარიას შორის შეხვედრა დასრულდა - კეთილგანწყობის დასადასტურებლად მეუფე იაკობმა სახალხო დამცველს წმინდა ნინოს ხატი გადასცა.

რამდენიმე შეთანხმება უკვე შედგა - ომბუდსმენს ნინოწმინდის პანსიონში თითქმის სამი წლის შემდეგ პირველად შეუშვებენ და ბენეფიციარებიც მცირე ტიპის დაწესებულებებში გადანაწილდებიან, რომელიც წლის ბოლოს აშენდება.

მეუფე იაკობმა აღიარა, რომ თანამშრომლები პანსიონიდან გაათავისუფლა, რადგან "ისინი აქ მუშაობას არ იმსახურებდნენ".

ეპისკოპოსი ამბობს, რომ ახალი მცირე ტიპის შენობები ნინოწმინდაშივე აშენდება, თუმცა რა სახსრებით არ აკონკრეტებს. სავარაუდოდ, უკვე არსებობს შეთანმხება ხელისუფლებასთან რომ საპატრიარქოს დამატებით ახალი მიწები გადაეცემა და პანსიონის მშენებლობაც დაფინანსდება.

ნინოწმინდის პანსიონში სახალხო დამცველი, სავარაუდოდ, მომდევნო კვირის ბოლოს ჩავა და იმ 19 აღსაზრდელს შეხვდება, რომლებიც ამ დრომდე დაწესებულებაში რჩებიან.

დაისჯებიან თუ არა მეუფე იაკობის გათავისუფლებული აღმზრდელები, ან დაეკისრება თუ არა პასუხისმგებლობა ყოფილ ხელმძღვანელს მეუფე სპირიდონს ამ დრომდე უცნობია.