ხმაური თბილისის ცენტრში – პოლიციის განყოფილებიდან კაცი გადმოხტა

შემთხვევა - 22:21, 16 Jun, 2021

2185

ხმაური იყო წერეთლის გამზირზე - პოლიციის განყოფილების მესამე სართულიდან კაცი გადმოხტა.

ადგილობრივები ამბობენ, რომ კაცმა მრავლობითი მოტეხილობები მიიღო. ახალგაზრდა კაცი სასწრაფო დახმარების ბრიგადამ კლინიკაში გადაიყვანა. გავრცელებული ინფორმაცით მამაკაცი კონტაქტური იყო.

მომხდართან დაკავშირებით განცხადება გავრცელა სახელმწიფო ინსპექტირების სამსახურა,

ცნობილი ხდება, რომ ეს ადამიანი პოლიციაში შემაკავებელი ორდერის გამოსაწერად დაიბარეს.

სახელმწიფო ინსპექტორის სამსახურის ინფორმაციით, 16 ივნისს მიიღეს შეტყობინება, რომ თბილისში, პოლიციის შენობიდან კაცი გადმოხტა. მათ გამოძიება სამსახურეობრივი გულგრილობის სავარაუდო ფაქტზე დაიწყეს.

"აღნიშნული შეტყობინების საფუძველზე სახელმწიფო ინსპექტორის სამსახურის საგამოძიებო დეპარტამენტმა დაუყოვნებლივ დაიწყო გამოძიება შინაგან საქმეთა სამინისტროს ცალკეული თანამშრომლების მხრიდან სამსახურებრივი გულგრილობის სავარაუდო ფაქტზე, რამაც მძიმე შედეგი გამოიწვია, საქართველოს სისხლის სამართლის კოდექსის 342-ე მუხლის მეორე ნაწილით გათვალისწინებული დანაშაულის ნიშნებით", - ამბობენ უწყებაში.

მათივე ინფორმაციით, ამ ეტაპზე საგამოძიებო მოქმედებები ტარდება.