ინფექციური საავადმყოფოს დირექტორმა, თენგიზ ცერცვაძემ ჟურნალისტებთან საუბრისას აღნიშნა, რომ საქართველომ, პირველმა დაიწყო შეზღუდვების შემსუბუქება:

"მე ვფიქრობ, რომ თუ შევასრულებთ იმ მინიმალურ რეგულაციებს, რომელიც საქართველოში დარჩა... საქართველო ის ქვეყანაა, სადაც პრაქტიკულად ყველა შეზღუდვა მოიხსნა, გარდა ხანმოკლე კომენდანტის საათისა, მაშინ, როცა ბევრ ქვეყანაში დარჩა ისევ ბევრი შეზღუდვა, თუმცა ნელ-ნელა ამსუბუქებენ. საქართველო ამაშიც მოწინავეა, პირველმა საქართველომ დაიწყო შემსუბუქება. ზედმეტი თუ არ მოგვივა, ზედმეტი არ უნდა მოგვივიდეს, კი ბატონო მოვხსნათ ყველა შეზღუდვა, უნდა მოიხსნას" - ამბობს იგი.