ჯანდაცვის მინისტრის ეკატერინე ტიკარაძის განცხადებით, ქვეყანაში კორონავირუსის ე.წ. ინდური შტამის დომინანტობა მოსალოდნელია. თუმცა, მისივე განმარტებით, რაიმე სახის გართულება მოსალოდნელი არ არის:

„რა თქმა უნდა, ამ შტამის დომინანტობა მოსალოდენელი იყო და არის ახლაც. მნიშვნელოვან იარაღად კვლავ რჩება პირველ რიგში ვაქცინაცია, სოციალური დისტანცია და ნიღაბი. მნიშვნელოვანი არის, რომ ჩვენ აუცილებლად დავიცვათ ის რეგულაცია, რომელიც პანდემიის დაწყებიდან არის საქართველოში შემოღებული. ჩვენ არ ვვარაუდობთ, რომ რაიმე სახის გართულებას ექნება ადგილი. თუმცა, მნიშვნელოვანი არის ნებისმიერი სიმპტომის დაფიქსირებისას დროულად მივმართოთ ექიმს და დროულად ჩავიტაროთ ტესტი“, - განაცხადა ეკატერინე ტიკარაძემ.