14 ივნისს ნინწმინდის პანსიონს ხელმძღვანელი შეეცვალა და მეუფე სპირიდონი მეუფე იაკობმა ჩაანაცვლა. ახალმა ხელმძღვანელმა პანსიონიდან 20-ზე მეტი თანამშრომელი გაუშვა და აღნიშნა, რომ იქ ამდენი დასაქმებული საჭირო არ არის:

"ჩვენთან ამდენი თანამშრომლის ყოფნა არ არის საჭირო. 19 აღმზრდელი დარჩება ამ ეტაპზე და მერე შევხედავთ... ვისაც წასვლა უნდა, არავის ვაჩერებთ, ველოდებით, როდის გადაიყვანენ და ვინც დარჩება, სრულად რომ ჰქონდეს მომსახურება, არაფერი მოაკლდეთ, იმიტომ, რომ ბავშვების საუკეთესო ინტერესები უნდა დავიცვათ", - განაცხადა ბოდბელმა ეპისკოპისმა.