ამ დრომდე უცნობია რა გახდა 12 ივნისს კრწანისის ქუჩაზე მომხდარი ავარიის მიზეზი, რომლის შედეგადაც 1 პირი ადგილზე, ორი კი კლინიკაში გარდაიცვალა. გაურკვეველია ისიც, თუ რომელ კომპანიას ეკუთვნის სატვირთო ავტომობილი, რომელიც ჯერ თითქმის გაჩერებულ მსუბუქ მანქანას შეეჯახა, შემდეგ კი "ნიუ ჰოსპიტალის" ეზოში გადავარდა.

"ნიუ ჰოსპიტალში ამჟამად იმყფოება 3 პაციენტი, აქედან ერთი პაიცენტი აგრძელებს მკურნალობა რეანიმაციულ განყოფილებაში და მისი მდგომარეობა არის სტაბილური. რაც შეეხება 2 პაციენტს ვისაც ოპერაცია ჩაუტარდა, მათ შორის ერთი არასრულწლოვანია გადაყვანილები არიან პალატაში, მათი მდგომარეობაც სტაბილურია", - აღნიშნა "ნიუ ჰოსპიტალსის" მარკეტინგის და საზოგადოებასთან ურთიერთობის ხელმძღვანელმა.

ცნობისთვის, მომხდარზე გამოძიება ტრანსპორტის ექსპლუატაციისა და უსაფრთხოების წესების დარღვევის მუხლით მიმდინარეობს.