"მთავარი" არხის გენერალური დირექტორი, ნიკა გვარამია, კომუნიკაციების კომისიის ხელმძღვანელ კახა ბექაურზე საუბრობს და აღნიშნავს, რომ "ბექაური არის ერთი მხრივ ღრმად კორუმპირებული და მეორე მხრივ ცენზორი".

მისივე თქმით, ბექაური ერევა კერძო კომპანიების რეკლამის გაყიდვაში და სქემებს ალაგებს, შემოსავალს იღებს აქედან.

"ბატონი ბექაური არის ერთი მხრივ ღრმად კორუმპირებული და მეორე მხრივ ცენზორი. შეზღუდვებს აწესებს მედიისთვის ყველაზე უფრო ხშირად მთავარი ოპოზიციური არხი ანუ, ჩვენ ვყავართ დაჯარიმებული. ეს კაცი ერევა კერძო კომპანიების რეკლამის გაყიდვაში და სქემებს ალაგებს, შემოსავალს იღებს აქედან. ამას გარდა, ამ კაცის დაგეგმილია "რუსთავი 2-ის" ე.წ. საგადასახადო ვალდებულებებისთვის თავის არიდების სქემა. ამის გამო უკვე სამსახურეობრივი პასუხისმგებლობა კი არ უნდა დადგეს მისი მხოლოდ, არამედ სისხლისსამართლებრივი პასუხისმგებლობა", - ამბობს გვარამია.