ნინოწმინდის პანსიონის ახალი ხელმძღვანელი მეუფე იაკობი ამბობს, რომ პანსიონში "სიტუაციის დალაგება უნდა", რადგან "გარედან ძალიან აურიეს".

პანსიონში მონიტორინგისთვის სახალხო დამცველის შეშვებაზე, ის ამბობს, რომ ლომჯარიას ჯერ თბილისში შეხვდება.

"სანამ არ გავერკვევი ბოლომდე, რა ხდება, მანამდე ბავშვებთან შეშვებაზე... ძალიან დასტრესილები არიან ბავშვები და მით უმეტეს, ახლა შემოვიდნენ და თუნდაც სახალხო დამცველმა კითხვები დაუსვას... აქ მუშაობენ სოციალური მუშაკები, მონიტორინგიც აქვთ და 24 საათი აქ არიან, სანდო ხალხია. ცოტა ხანი დაგვაცადონ, პრობლემა არ გვაქვს. მე გუშინაც ვთქვი, ჯერ თბილისში შევხვდები, შემდგომ დავილაპარაკებთ ცივილიზებულად, არ ვარ ის ადამიანი... ყველანაირად ვიცი, სანამ ბავშვები ამ მდგომაროებაში არიან, მე მართალი ვიქნები, რომ არავინ მივაკარო ადვოკატის გარეშე. დალაგება მინდა აქ სიტუაციის, გარედან ძალიან აურიეს", - ამბობს მეუფე იაკობი.