სახალხო დამცველი განცხადებით, ბოლო პერიოდში ომბუდსმენის აპარატი ნინოწმინდის ბავშვთა სახლში მონიტორინგისგან თავს იკავებდა, რათა ბავშვებისთვის დამატებითი სტრესული გარემო არ შეექმნათ.

ომბუდსმენის თქმით, თუ უახლოეს დღეებში პანსიონიდან ბავშვების გაყვანის პროცესი შეჩერდებასახალხო დამცელის მონიტორის ჯგუფი მონიტორინგისთვის ნინოწმინდაში ჩავა.

"თუ უახლოეს დღეებში დავინახეთ, რომ ბავშვების პანსიონიდან გამოყვანისა და მათი ოჯახებში ინტეგრაციის პროცესი გაჩერდა და არ განხორციელდა ისე აქტიურად, როგორც ბოლო პერიოდში ხორციელდებოდა, მივიღებთ გადაწყვეტილებას, რომ განვახორციელოთ მონიტორინგი",- თქვა ნინო ლომჯარიამ.

ნინო ლომჯარიას თქმით, ბოლო პერიოდში განვითარებული მოვლენებიდან გამომდინარე, მას მოლოდინი აქვს, რომ პანსიონში მონიტორინგისთვის შეუშვებენ. როგორც ლომჯარია აღნიშნავს, ბავშთა უფლებების დაცვის მიმართულებით უპრეცედენტო პროცესები დაიწყო.

"მე მაქვს მოლოდინი, რომ ჩვენ შევძლებთ მონიტორინგის განხორციელების საშუალებას, იმიტომ რომ ბოლო პერიოდში განვითარებული მოვლენები, ოპტიმიზმის საფუძველს მაძლევს.

პირველ რიგში ის, რომ დაიწყო უპრეცედენტო პროცესი ბავშვთა უფლებრივი დაცვის მიმართულებით, რაზეც წლებია ვსაუბრობთ და სახელმწიფოს არანაირი რეაგირება და ნაბიჯები არ ჰქონია. დაიწყო დეინსტიტუციონალიზაციის პროცესი, მათ შორის რელიგიური კონფესიების დაქვემდებარებაში მყოფი პანსიონების მიმართ და დარწმუნებული ვარ, რომ ჩვენ საშუალება გვექნება იქ შევიდეთ და მონიტორინგი განვახიორციელოთ",-თქვა მან.