Google-მა და ჰარვარდის ინჟინრებმა ტვინის მცირე ნაწილის ყველაზე დეტალური 3D რუკა შეადგინეს. ის ტვინის ქსოვილის მხოლოდ ერთ კუბურ მილიმეტრს მოიცავს. რუკის ნახვა ბმულზეა შესაძლებელი.

მასზე 50 ათასი ნეირონისა და 130 მილიონი სინაფსის (ორი უჯრედის კონტაქტის ადგილი) ნახვაა შესაძლებელი.

ვიზუალიაზაცია 225 მილიონი გამოსახულების გამოყენებით შედგა. ამჟამად რუკა 1,4 პეტაბაიტს იკავებს. ეს 700-ჯე მეტია, ვიდრე საშუალო სტატისტიკური კომპიუტერი იტევს.

რუქის შესადგენად მეცნიერებმა 45 წლის ქალის ტვინის ქსოვილის ნაწილი გამოიყენეს. იგი ეპილეფსიით იყო დაავადებული და მედკამენტები არ შველოდა.