თამარ ბაჩალიაშვილის დედა შვილის გარდაცვალების საქმის ახალ დეტალებზე საუბრობს და აცხადებს, რომ "სუს-მა მიიყვანა თამარი ზეგ-შიც".

"მე ვფიქრობ, რომ სუს-მა მიიყვანა ზეგ-შიც" - აცხადებს გარდაცვლილის დედა "მთავართან".

ცნობისთვის, ბაჩალიაშვილის საქმის აქამდე გაუხამურებელ ფაქტებზე რეპორტაჟი "პოსტ ფაქტუმმა" მოამზადა. ჟურნალისტმა დავით აბრამიშვილმა იმ მონაცემთა ბაზას მიაკვლია, სადაც ჩანს, რაზე მუშაობდა თამარ ბაჩალიაშვილი სიცოცხლის ბოლო პერიოდში.

გასაჯაროვდა ახალი ვიდეოჩანაწერებიც, რომელიც აქამდე საგამოძიებო უწყებას არ გაუხმაურებია, თუმცა საქმის მასალებში დევს.

ბაჩალიაშვილის დედა ამბობს, რომ ამით კიდევ ერთხელ მტკიცდება ოჯახის ვარაუდი, რომ მისი შვილის გარდაცვალების გამოძიება ძალოვანი უწყებების ჩარევით ჩაფარცხეს.

შეგახსენებთ, რომ თამარ ბაჩალიაშვილი 2020 წლის 18 ივლისს გაუჩინარდა. 23 წლის პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. რამდენიმედღიანი ძებნის შემდეგ, ის სწორედ თეთრიწყაროს ტყეში, საკუთარ მანქანაში გარდაცვლილი იპოვეს.