"ნიუ ჰოსპიტალსის" რეანიმატოლოგის ალექსანდრე მხარგრძელის განცხადებით, კლინიკის მიმდებარედ მომხდარი ავარიის დროს დაშავებული სამი პაციენტის მდგომარეობა მძიმეა, ორ მათგანს, მათ შორის არასრულწლოვანს დღეს ოპერაცია ჩაუტარდება.

მხარგძელიძის თქმით, პაციენტების მდგომარეობის სიმძიმის მიუხედავად, ისინი მართვით სუნთქვაზე არ იმყოფებიან:

"ამჟამად ჩვენს კლინიკაში რჩება 4 პაციენტი. სამის ზოგადი მდგომარეობა არის მძიმე, ერთის ზოგადი მდგომარეობა არის საშუალო სიმძიმის. ორ პაციენტთან იგეგმება ოპერაციული ჩარევა, მათ შორის ერთ-ერთი არასრულწლოვანია. საკმაოდ რთული ოპერაციაა. გრძელდება პაციენტების ინტენსიური მოვლა და მკურნალობა. პაციენტები არიან ზოგადი პოლიტრავმის დიაგნოზით შემოსული. მართვით სუნთქვაზე არც ერთი პაციენტი არ იმყოფება. 4-ვე მათგანი კონტაქტურია", - განაცხადარეანიმატოლოგმა.

შეგახსენებთ, კრწანისის ქუჩაზე მომხდარი ავარიის შედეგად ორი პირი გარდაიცვალა, რამდენიმე კი დაშავდა.

გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის ექსპლუატაციისა და უსაფრთხოების წესების დარღვევას გულისხმობს.