დღეს 13 ივნისია, დღე, რომელიც ყველა თბილისელისა და ჩვენი ქვეყნის მაცხოვრებლებისთვის ტრაგიკულ მოგონებებს უკავშირდება.

ზუსტად 6 წლის წინ თბილისში, გადაუღებელი წვიმის გამო ჩამოშლილმა მეწყერმა მდინარე ვერეს ადიდება გამოიწვია, რომელმაც 22 ადამიანის სიცოცხლე შეიწირა. ორი ამ დრომდე დაკარგულად ითვლება.

2015 წლის 13 ივნისს გვიან ღამით ჯერ სვანიძის ქუჩა დაიტბორა, შემდეგ კი წყალმოვარდნის ნახევრად დაინგრა ვაკე-საბურთალოს დამაკავშირებელი ესტაკადა, დაიტბორა გმირთა მოედანი, მზიურის პარკი და ზოოპარკი. ეს უკანასკნელი ყველაზე სავალალო მდგომარეობაში აღმოჩნდა, რადგან განადგურდა ინფრასტრუქტურა და დაიღუპა უამრავი ცხოველი.

წყალდიდობის გამო ათობით ოჯახი უსახლკაროდ დარჩა.