შუქრუთის მოსახლეობამ პროტესტი და შიმშილობა შეწყვიტა. როგორც პროტესტის ერთ-ერთმა მონაწილემ, გიორგი მეფარიძემ აღნიშნა, პროტესტის მონაწილეებსა და კომპანია "ჯორჯიან მანგანეზს" შორის შეთანხმება შედგა.

"მივაღწიეთ შეთანხმებას. შევთანხმდით, რომ სამხარაული დაითვლის ჩვენი მოთხოვნისამებრ ზიანის ოდენობას. რა თქმა უნდა, შევწყვიტეთ პროტესტი. ახლა თბილისში ვართ და ალბათ ხვალ დავბრუნდებით ჭიათურაში" - ამბობს მეფარიძე.

ადგილობრივები კომპენსაციას 100 დღეზე მეტხანს ითხოვდნენ, მათმა ნაწილმა წყლის მიღებაზეც უარი თქვა და მშრალ შიმშილობაზე გადავიდა.