ლუკაშენკოს რეჟიმის მიერ დაკავებული ბელარუსი ოპოზიციონერი ჟურნალისტის რომან პრო­ტა­სე­ვიჩის შეყვარებულის სოფია საპეგას წერილი ვრცელდება, რომელიც მან მშობლებს ციხიდან მისწერა.

წერილიდან ირკვევა, ის 3 ივნისამდეა დაწერილი და ამ დრომდე გოგონამ ორი წერილი გაგზავნა, რომელიც სავარაუდოდ, ადრესატამდე არ მისულა.

წერილში, სადაც ციხე მოხსენებულია, როგორც KGB-ს ციხე, 23 წლის სოფია წერს, რომ ის “არ ნებდება” და ციხეს “ უძლებს”. მისი თქმით, “ყველაფერს აქვს დასასრული და მათ შორის ამ უბედურებაც".

წერილებში აღწერილია "ტანჯვა" იმით, რაც მან დაკარგა ცხოვრებაში, მათ შორის მისი ჩაშლილი დისერტაცია.

”დღეს უნდა დამეცვა დისერტაცია და საღამოს რომა [რომანი] ერთად წასულიყავი რესტორანში, შამპანურის დასალევად” - წერს სოფია.

ამის ნაცვლად კი, როგორც წერილიდან ირკვევა, საკანში დალია ჩაი და ორცხობილა ჭამა.

გოგონა თქმით, ის მცირედით ბედნიერდება, მაგალითად მის საკანში შესული მზის სხივით, ასევე დროს, იქვე მდებრე ეკლესიის ზარებით განსაზღვრავს. მისი თქმით, არ იცის როგორ გამოიყურება, რადგან სარკეს არ აძლევენ.

“მე არ მინახავს საკუთარი თავი სარკეში 25 მაისის შემდეგ , ამიტომ ხელების საშუალებით ვადგენ კანის მდგომარეობას, ეს კიდევ უფრო სასაცილოა. სარ­კეს არ მაძ­ლე­ვენ, რად­გა­ნაც ამ­ბო­ბენ, რომ არ არის შე­სა­ბა­მი­სი პა­რა­მეტ­რე­ბის. ჯი­ბე­ში რომ მო­თავ­სდეს და პლასტმა­სის ჩარ­ჩო ჰქონ­დეს" - წერს სოფია

23 მაისს ათენიდან ვილნიუსისკენ მიმავალი Ryanair-ის თვითმფრინავი მინსკის აეროპორტში საგანგებოდ დაეშვა. ეს მას შემდეგ მოხდა, რაც გავრცელდა ინფორმაცია, რომ ბორტზე ასაფეთქებელი. საბოლოოდ შეტყობინება ცრუ აღმოჩნდა. ბელარუსული ტელეგრამ-არხის „პულ პერვოგოს“ ცნობით, პრეზიდენტის განკარგულებით, თვითმფრინავის აეროპორტამდე ავიაგამანადგურებელმა „მიგ-29“-მ მიაცილა. აღსანიშნავია, რომ რადარის მონაცემებით, თვითმფრინავი უკვე ლიეტუვის საზღვართან იმყოფებოდა, თუმცა ის მინსკისკენ მოაბრუნეს.

თვითმფრინავის ბორტზე იმყოფებოდა ოპოზიციური ტელეგრამარხის Nexta-ს ხელმძღვანელი, რომან პროტასევიჩი, რომლის წინააღმდეგაც ბელარუსში და მასობრივი არეულობის ორგანიზების ბრალდებით სისხლის სამართლის საქმეა აღძრული. პროტასევიჩი და მისი შეყვარებული, რუსეთის მოქალაქე სოფია საპეგა აეროპორტში დააკავეს. დაკავების შემდეგ რამდენიმე ვიდეო გავრცელდა, სადაც ისინი გამოძიებასთან თანამშრომლობაზე საუბრობენ. მათი ოჯახისა და ადვოკატების თქმით, დაკავებულებს ინტერვიუები იძულებით ჩააწერინეს.