სახალხო დამცველმა ნინო ლომჯარიამ სპეციალურ ბრიფინგზე ნინოწმინდის პანსიონის ყოფილი თუ მოქმედი ბენეფიციარების მიმართ ზეწოლის ფაქტებზე ისაუბრა და განაცხადა, რომ ფსიქოლოგიური ტერორის მიზანი ჩვენების მიცემაზე უარის თქმაა:

"სახალხო დამცველის აპარატი იღებს შეტყობინებებს ნინოწმინდის ბავშვთა პანსიონის მოქმედი თუ ყოფილი აღსაზრდელებისგან, რომ მათზე მიმდინარეობს სერიოზული ზეწოლა, რომ მათ არ მისცენ ჩვენებები სამართალდამცავ ორგანოებს მათ მიმართ განხორციელებული ძალადობის ფაქტების შესახებ, რასაც ადგილი ჰქონდა ნინოწმინდის პანსიონში ცხოვრების დროს", - განაცხადა ნინო ლომჯარიამ.