გაერო-ს შტაბ-ბინის თანამშრომლები ნიუ-იორკში სამუშაო ადგილებს 6 ივლისიდან დაუბრუნდებიან. აშშ-ის უმსხვილეს მეგაპოლისში კორონავირუსთან დაკავშირებული შეზღუდვების შემსუბუქება იწყება. ამის შესახებ აღნიშნულია წერილში, რომელის გაერთიანებული ერების ორგანიზაციის გენერალური მდივნის სახელით თანამშრომლებმა მიიღეს.

ანტონიო გუტიერეში აღნიშნავს, რომ ბოლო თვეების განმავლობაში ქალაქში კორონავირუსით ინფიცირების შემთხვევებმა იკლო, რის გამოც 6 ივლისიდან გაერო-ს შტაბ-ბინა ნიუ-იორკში, გარკვეული შეზღუდვებით შენობაში მყოფ ადამიანებზე, თანამშრომლების ადგილებზე დასაბრუნებლად მზად იქნება.

ამასთან, გუტიერეშის თქმით, გაერო-ს პერსონალის განრიგის შედგენისას მომავალში დისტანციურ რეჟიმში მუშაობის უპირატესობები აუცილებლად იქნება გათვალისწინებული.