ზუგდიდის მე-6 საჯარო სკოლის ყოფილი დირექტორის, ია კერზაიას შვილი ბაჩანა შენგელია სოციალურ ქსელში პოსტს აქვეყნებს.

"განსაკუთრებულად გონებადაბინდულებისთვის:

გახარია რომ მართლა ოპოზიცია იყოს, ხელისუფლებას ძალიან მარტივად შეუძლია მისი ციხეში გაშვება. ორი კვირის უკან შევიტანე განცხადება ია კერზაიას საქმის გამოძიების განახლებაზე და ამ დრომდე არც გამოუკითხავთ.

თან ამ საქმეს ჰყავს გარდაცვლილი და ჰყავს რეალური დაზარალებულები, ხელისუფლების მიერ სხვა ბევრი, შეთითხნილი საქმეებისგან განსხვავებით. ამით ოცნება მძიმე ლაქასაც ნაწილობრივ ჩამოირეცხავდა და გახარიას პოლიტიკურ კარიერასაც დაასრულებდა.

აშშ-ს სახელმწიფო დეპარტამენტის ანგარიშში ეს საქმე ორჯერ ზედიზედ მოხვდა, 11-მა ევროპარლამენტარმა მოითხოვა მისი სასწრაფო გამოძიება, სახალხო დამცველთან ერთად ალბათ ყველა ქართულმა არასავთავრობო ორგანიზაციამაც იგივე მოუწოდა ხელისუფლებას. ანუ, ოცნებას სტრატეგიულ პარტნიორებთანაც პრობლემა არ ექნებათ, რადგან ვერავინ იტყვის პოლიტიკური პატიმარიაო.

ჰოდა, რატომ არ აკეთებს ამას ოცნება? გაანძრიეთ ახლა ის ცარიელი თავები და სწორი დასკვნები გამოიტანეთ, როდენის მოაზროვნესავით რომ ჩამოგიდიათ მედიასაშუალებებში და ,,ბიძინამ გალანძღა გახარია, ე.ი ოპოზიცია არისო" გაიძახით.

იგივეა 20 ივნისზეც, აქ საერთოდ ამნისტიას თვალთხარიას სრულ რეაბილიტაციას წვალობენ...", - წერს ბაჩანა შენგელია.