რუსულ მედიაში წყვილის ისტორია ვრცელდება, რომლებიც ექიმების დაუდევრობისა და გულგრილობაზე საუბრობენ.

იგორ მ. და ალისა ვ. როსტოვში ცხოვრობენ. ახალგაზრდა წყვილი მოუთმენლად ელოდა პირველ შვილს. მალევე გაიგეს, რომ ალისა ორსულად იყო . როგორც იგორი ამბობს, ალისას ორსულობა კარგად მიმდინარეობდა და ვერაფრით წარმოიდგენდა, რომ ეს ყველაფერი ტრაგიკულად დასრულდებოდა.

ორსულობის 41-ე კვირას ალისას მუცელი ასტკივდა და საავადმყოფოში გადაიყვანეს, სადაც ექიმმა „ნო შპის“ მიღება , სახლში წასვლა და დასვენება ურჩია. იგორის თქმით, საღამოს, როდესაც სახლში მივიდა, მისი ცოლი ტკივილისგან შეწუხებული დახვდა და ისევ საავადმყოფოში წაიყვანა.

მისი თქმით, როდესაც საავადმყოფოში მივიდნენ, უთხრეს, რომ ადგილები არ ჰქონდათ, ყველა ექიმი დაკავებული იყო და ამიტომ ღამე დერეფანში უნდა გაეთიათ. იგორის თქმით, ის ჯერ მშვიდად შეეცადა მისი მეუღლის პალატაში მოთავსებაზე დაეყოლიებინა ექიმები, შემდეგ ყვირილზეც გადავიდა, თუმცა ვერაფერს გახდა და იძულებულები შეიქმნენ, ღამე დერეფანში გაეტარებინათ. მთელი ღამის განმავლობაში კი ქალს ტკივილები აწუხებდა.

დილით ალისა სამშობიაროდ შეიყვანეს, თუმცა საღამომდე მშობაირობა ვერ შეძლო. ბიჭი 3,750 კგ დაიბადა. მშობლებს სახელი მის დაბადებამდე შერჩეული ჰქონდათ და ... დაარქვეს.

თუმცა, მშობიარობიდან 20 წუთის შემდეგ ექიმმა მათ განუცხადა, რომ ბავშვი მძიმე მდგომარეობაში იყო, მისი გადარჩენის იმედი თითქმის არ არსებობდა და ერთადერთი რისი გაკეთებაც შეეძლოთ, ლოდინი იყო. სამწუხაროდ, ბავშვი დაიღუპა.

მისი ცხედრის წასაყვანად მისულ მამას კი ექიმმა უთხრა: „ცხედარი გჭირდებათ? რად გინდათ? მთელი ცხოვრება დარდად გაგყვებათ... ჯერ ძალიან ახალგაზრდები ხართ, კიდევ გეყოლებათ შვილები.“

იგორის თქმით, მან დაჟინებით მოითხოვა, რომ მისთვის შვილის ცხედარი მიეცათ და მხოლოდ ამის შემდეგ მოახერხა გარდაცვლილი შვილის ცხედრის წაყვანა.

ალისა ბავშვის დაკრძალვას ვერ დაესწრო. ექიმების დასკვნის თანახმად, ბავშვი ასფიქსიით გარდაიცვალა, თუმცა წყვილმა საგამოძიებო კომიტეტს განცხადებით მიმართა, ბავშვის გარდაცვალების შესახებ სისხლის სამართლის საქმე დაეწყო.