2დღის წინ გორში ავტოსაგზაო შემთხვევას 19 წლის ბიჭის, ლუკა ხეხელაშვილის სიცოცხლე ემსხვერპლა. მედიაში გავრცელებული ინფორმაციის თანახმად, ის „საქართველოს დავით აღმაშენებლის სახელობის უნივერსიტეტში“ სწავლობდა.

ტრაგიკულ შემთხვევას უნივერსიტეტი გამოეხმაურა და სამძიმრის წერილიც გამოაქვეყნა:

„საქართველოს დავით აღმაშენებლის სახელობის უნივერსიტეტის სახელით ღრმა მწუხარებას გამოვთქვამთ ჩვენი სტუდენტის, ლუკა ხეხელაშვილის გარდაცვალების გამო და თანაგრძნობას ვუცხადებთ მის ოჯახსა და მეგობრებს“, – ნათქვამია პოსტში.

ადგილორბივი მედია საშუალება „დია ნიუსი“ თვითმხილველების ნაამბობს ავრცელებს, რის მიხედვითაც, ავტოსაგზაო შემთხვევის მონაწილეები შეყვარებულები იყვნენ.

მათივე ცნობით, ისინი გზის გადაკვეთას ცდილობდნენ, რა დროსაც მთავარ გზაზე მიმავალი ავტომობილის მძღოლმა საჭე ვერ დაიმორჩილა.

ადგილობრივების ინფორმაციით, ბიჭმა სიცოცხლისთვის შეუთავსებელი დაზიანება თავის არეში მაშინ მიიღო, როდესაც შეყვარებულ გოგოს გადაეფარა და მისი გადარჩენა სცადა.