ახალქალაქის, კუმურდოსა და კარის მიტროპოლიტი, მეუფე ნიკოლოზი, ნინოწმინდის პანსიონზე, სასამართლოს გადაწყვეტილებას ეხმაურება და აცხადებს , რომ არ ეთანხმება, რადგან , მისივე თქმით, მოსამართლემ გადაწყვეტილება ერთადერთ ვიდეოჩანაწერზე დაყრდნობით მიიღო:

"რა თქმა უნდა გავასაჩივრებთ, იმიტომ, რომ არ ვეთანხმებით ამ განაჩენს. მოსამართლემ გამოიტანა განაჩენი ერთადერთ ვიდეო ჩანაწერზე დაყრდნობით. ეს იყო თვითონ მეუფე სპირიდონის მიერ გადაღებული ვიდეო, რომელიც თავის ფეისბუქ გვერდზე გაავრცელა, სადაც აღელვებული ბავშვი ამბობს, რომ არ უნდა არსად წასვლა.

ჩანაწერში იყო დარღვევები ცხადია, იმიტომ, რომ ჯერ ერთი სახეები არ იყო დაფარული და მეორე - ბავშვი ჩანდა აღელვებული, უბრალოდ მეუფე სპირიდონმა ვერ გადაიღო ისე, რომ გამოჩენილიყო აღელვების მიზეზი რა იყო. ჩანდა აღელვებული და სახე დაუფარავი ბავშვები. რა თქმა უნდა, ეს არის დარღვევა და ეს საკმარისი აღმოჩნდა იმისთვის, რომ მოსამართლეს მიეღო გადაწყვეტილება, რომელიც ჩემი აზრით, ნაჩქარევი და არასწორია", - განაცხადა მეუფე ნიკოლოზმა.