“სინამდვილეში, კობახიძე სულაც არ არის გიჟი…კეზერაშვილთან გახარიას ფინანსური მიბმა საკმარისი არ აღმოჩნდა, საჭიროა მისი მიბმა ყველაზე დიდ ბუა-საფრთხესთან – სააკაშვილთან”

“სინამდვილეში, კობახიძე სულაც არ არის გიჟი…კეზერაშვილთან გახარიას ფინანსური მიბმა საკმარისი არ აღმოჩნდა, საჭიროა მისი მიბმა ყველაზე დიდ ბუა-საფრთხესთან – სააკაშვილთან” – ეკა კვესიტაძე კობახიძის განცხადებებზე

სოც.მედია - 13:33, 05 Jun, 2021

4038

ჟურნალისტი ეკა კვესიტაძე სოციალურ ქსელში ირაკლი კობახიძის განცხადებებს ეხმაურება.

ტელეწამყვანი წერს, რომ ყველა ის მესიჯი, რომლის პირველი გამხმოვანებელიც კობახიძეა, კამპანიურად ვრცელდება მთელი სამთავრობო მედია და ტროლ-ბოტი რესურსის მობილიზებით:

“სინამდვილეში, კობახიძე სულაც არ არის გიჟი. ყველა ის მესიჯი, რომლის პირველი გამხმოვანებელი ის არის, შემდეგ კამპანიურად ვრცელდება მთელი სამთავრობო მედია და ტროლ-ბოტი რესურსის მობილიზებით. ფაქტია, რომ კეზერაშვილთან გახარიას ფინანსური მიბმა საკმარისი არ აღმოჩნდა, საჭიროა მისი მიბმა ყველაზე დიდ ბუა-საფრთხესთან – სააკაშვილთან. “სააკაშვილი და რევოლუცია” არჩევნებზე ყველაზე წარმატებულად გათამაშებული კარტია, რომელსაც, რასაკვირველია, ოცნება ამ არჩევნებზეც გამოიყენებს. ან ოცნება ან რევანშით და სისხლით მობრუნებული მესამე პრეზიდენტი – ყველა კამპანია ივანიშვილს ამ თარგზე ჰქონდა აწყობილი. ამ თარგს ახლა გახარია ურევს, რომლის დღევანდელი რეიტინგი, ფაქტია, ძალიან ანერვიულებს ოცნებას. ამიტომ საჭიროა მისი დემონიზება სააკაშვილთან მიბმით და პოლარიზაციის შენარჩუნება. ნახეთ როგორ კარგად გაშლის ამ ბოდვას “იმედის კვირის” კომიკური წამყანი, შემდეგ პოსტ-ტვ და შემდეგ ყველა სხვა დანარჩენი წვრილფეხა მედია. ამ ყველაფრიდან კი ერთი დასკვნის გაკეთება შეიძლება – გახარია ძალიან საშიშია ოცნებისთვის, რომელსაც 43 პროცენტის აღება ადგილობრივ არჩევნებზე სასიცოცხლოდ სჭირდება. მისი ბედი სწორედ ამ არჩევნებზე წყდება. დანარჩენი იხ. Beka Kobakhidze -ის სტატუსში” – წერს კვესიტაძე.