თეოლოგი ნოდარ ლადარია ნინოწმინდის პანსიონში განვითარებულ მოვლენებს ეხმაურება და სოციალურ ქსელში სტატუსს აქვეყნებს.

თეოლოგი თვლის, რომ "საქართველოში ეკლესია არის "ბესპრედელის" გამპრავებელი".

"ნურავის ექნება ილუზია, რომ ნინოწმინდის ინტერნატში საქმის აღძვრა და შემდეგ დამნაშავეების დასჯა რამეს მოიტანს ან თუნდაც მოსახლეობის მხარდაჭერას მიიღებს.

იმიტომ არა, რომ მოსახლეობა მორწმუნეა. სულ სხვა მიზეზის გამო, და ამ მიზეზს ეკლესიამ ყველაზე ადრე და სრულიად შეგნებულად მიაგნო.

საქმე ისაა, რომ საქართველოში ეკლესია არის "ბესპრედელის" გამპრავებელი. უფრო მეტად, ვიდრე კორუმპირებული მთავრობა ან ვიღაცების პირად დაცვად ქცეული პოლიცია. ესენიც ეკლესიისგან იღებენ სინდისის გამამართლებელ სანქციას.

ამათი ღმერთი "ბესპრედელია" და მას დღევანდელ საქართველოში ჯვარცმულ ნაზარეველზე მეტი გავლენა აქვს", - წერს ლადარია სოციალურ ქსელში.

შეგახსენებთ, რომ ნინოწმინდის ბავშვთა ბანსიონში ომბუდსმენის წარმომადგენლები არ შეუშვეს. როგორც პანსიონის ყოფილი აღასზრელები მედიასთან ყვებიან, მათ მიმართ აღზმრდელების მხრიდან ასგილი ჰქონდა ძალადობას.