შუქრუთელები, რომლებიც მადნის მომპოვებელი კომპანიის "ჯორჯიან მანგანეზის" წინააღმეგ აქციას უკვე სამ თვეზე მეტია მართავენ, ამერიკის საელჩოსთან აგრძელებენ პროტესტს.

აქციის ერთ-ერთი მონაწილის ვერა კუპატაძის განცხადებით, მას უცნობმა პირმა ტელეფონზე დაურეკა და დააშანტაჟა.

oc-media-ს ცნობით, 24 მაისს სატელეფონო ზარში მამაკაცი კუპატაძეს რძლის ინტიმური კადრების გავრცელებით დაემუქრა, თუ კომპანიის წინააღმდეგ პროტესტს არ შეწყვეტდა.

ქალმა მომხდარის შესახებ პოლიციას შეატყობინა, უცნობი პირის ნომერიც გადასცა, თუმცა, მისივე თქმით, სამართალდამცავ ორგანოს რეაგირება არ ჰქონია.