ხელვაჩურში მასობრივი ინტოქსიკაციის გაო, სამკერვალო ფაბრიკის საკვების მიმწოდებელ კომპანიას "ანკარა ქეითერინგს" საქმიანობა შეუჩერდა.

აჭარის ჯანდაცვის მინისტრის განმარტებით, ფაბრიკაში სპეციალისტები იმყოფებიან და მომხდარის გარემოებებს იკვლევენ:

„გუშინ ერთ-ერთ ფაბრიკაში დაფიქსირდა სავარაუდოდ, საკვების მიერ ინტოქსიკაციის ჯგუფური შემთხვევა. ექიმებს დახმარებისათვის 65 პაციენტმა მიმართა. უმეტესი მათგანის მდგომარეობა იყო მსუბუქი, დილის მდგომარეობით უმრავლესობა კლინიკიდან გაწერილია.

მეთვალყურეობაზე მხოლოდ ორი პაციენტი რჩება, რომელთა მდგომარეობა არ არის მძიმე, მათ უტარდებათ კვლევები და სავარაუდოდ დღის ბოლოსთვის გაწერენ.

რაც შეეხება ამ შემთხვევის გამომწვევ მიზეზზს, ფაქტზე კვლევა სურსათის ეროვნულ სააგენტოსთან ერთად მიმდინარეობს და კვლევის შედეგები გახდება ცნობილი.

ამ პერიოდისათვის სავარაუდოდ, ეს გახლდათ საკვებთან დაკავშირებული", - განმარტავენ აჭარის ჯანდაცვის სამინისტროში.

სამკერვალო ფაბრიკაში მუშაობა ჩვეულ რეჟიმში გრძელდება, პარალრლურად კი ტერიტორიაზე სამართალდამცველები იმყოფებიან და მომხდართან დაკავშირებით საქმეს იძიებენ.

შეგახსენებთ, გუშინ ხელვაჩაურში სამკერვალო ფაბრიკის 65-მდე თანამშრომელი მოიწამლა. ისინი სასწრაფო დახმარების ბრიგადამ საავადმყოფოში გადაიყვანა. ამ დროისთვის ინტოქსიკაციით კლინიკაში ორი პირი რჩება, მათი მდგომარეობა საშუალოდ მძიმეა. დანარჩენი თანამშრომლები გაეწერნენ და მკურნალობას აგრძელებენ.