ბრიტანეთის პრემიერ-მინისტრის, ბორის ჯონსონის ცოლმა, კერი საიმონდსმა საქორწილო კაბა 45 გირვანქა სტერლინგად იქირავა. ამის შესახებ გამოცემა The Sun წერს.

ტაბლოიდის ცნობით, ბერძნული ბრენდის Christos Costarellos ყვავილებით მოქარგული კაბის ფასი 2 900 გირვანქა სტერლინგია, თუმცა, პრემიერის მეუღლემ ყიდვას ქირაობა არჩია.

წყვილმა 30 მაისს ვესტმინსტერის საკათედრო ტაძარში იქორწინა. ქორწილს კორონაშეზღუდვების გამო მხოლოდ უახლოესი მეგობრები და ნათესავები ესწრებოდნენ.

ბორის ჯონსონი ბრიტანეთის მეორე პრემიერია, რომელიც პოსტზე ყოფნის დროს დაქორწინდა. პირველი შემთხვევა თითქმის 200 წლის წინ, 1822 წელს მოხდა, როდესაც რობერტ ჯენკინსონი დაქორწინდა.

ჯონსონმა და საიმონდსმა ერთმანეთი 2009 წელს გაიცნეს, როდესაც კერი კონსერვატული პარტიის პრეს-ოფიცერი გახდა. 2010 წელს ის უკვე მომავალი მეუღლის საარჩევნო კამპანიას ხელმძღვანელობდა მერის არჩევნებში. 2018 წელს ის კონსერვატორთა საზოგადოებასთან ურთიერთობების მდივანი გახდა, თუმცა, თანამდებობა მალევე დატოვა. ჯონსონებს დაქორწინება 202 წელს ჰქონდათ გადაწყვეტილი, თუმცა, კორონაპანდემიის გამო ქორწილმა გადაიწია. წყვილს ეტრთი წლის ვაჟი - უილფრედი ჰყავს.