ზუგდიდში ავტომობილი ელექტროგადამცემ ბოძს შეეჯახა, რის გამოც დაზიანდა ელექტროენერგიის ხაზი და ქალაქის ნაწილს დენი არ მიეწოდება - ამის შესახებ ინფორმაციას "ლაივპრესი" ავრცელებს:

"ზუგდიდის ცენტრალური ქუჩების ნაწილს (მათ შორის რუსთაველის, გამსახურდიას, კოსტავას და მიმდებარე ქუჩებს) ელექტროენერგია არ მიეწოდება. მიზეზი რუსთაველის ქუჩაზე მომხდარი ავტოსაგზაო შემთხვევაა.

მსუბუქი ავტომანქანა ელექტროგადამცემ ბოძს შეეჯახა, რის შედეგადაც დაზიანდა ელექტროსადენებიც. როგორც "ლაივპრესს"ენერგო-პრო ჯორჯიას" საზოგადოებასთან ურთიერთობის სამსახურში განუცხადეს, შემთხვევის ადგილზე უკვე გასულია კომპანიის ტექნიკური ჯგუფი და მიმდინარეობს სამუშოები რათა მოკლე დროში მოხდეს ელექტროენერგიის მიწოდების აღდგენა" - წერია ინფორმაციაში.